Tuesday, August 9, 2011

toki musi lili

mi pali e toki musi lili kepeken toki pona. tenpo ni la, ona li lili. ken la, ona li ike tawa sina. taso, tenpo kama la, mi wile pali e mute! a a a

toki musi lili nanpa wan

tenpo ni la, mi mute li sona e ijo wan: ali li pona. tenpo pini la, mi mute li sona ala e ni. mi mute li sona ala e ala. sina wile sona e toki musi mi la, mi wile open tan tenpo open mi. tenpo pi mi kama tawa ma ni la, mi jan lili sama jan ali. taso, jan sona li toki e ni tawa mama mi: "jan lili sina li suli mute. tenpo kama la, ona li wile kama jo e mani mute mute mute!" ni li pona mute tawa mama mi. taso, tenpo kama la, ni li lon ala. tenpo kama la, mi jo ala e mani e meli e pali e ala. taso, tenpo suno pini la, ali li ante.

"jan manitu o, toki!" jan pona mi li toki tawa mi.

"jan teloko o, toki!" mi toki tawa ona.

"tenpo ni la, sina jo ala jo e mani?"

"tenpo ni li sama tenpo ali."

"a a a! jan pona mi a! tenpo ali la, sina jo ala e mani a! tenpo ali la, sina sama tenpo ali a!" ni li musi mute tawa jan teloko. taso, ona li sama mi. tenpo ali la, ona li jo ala e mani. "jan manitu o kute e mi a! mi lukin e ijo sin lon ma tomo."

"ijo sin ni li seme?" tenpo ali la, ona li jo e ijo sin tan ni: o kama jo e mani mute. mi pilin e ni: ijo sin ona li ike sama tenpo ali.

"mi ken ala toki tawa sina. taso, mi ken toki e ni: ijo ni li pona mute tawa mi mute. mi mute li kepeken e ona la, o kama jo e pali e mani e meli mute a!" tenpo mute la, mi kute e toki ni.

"pona. tenpo seme la, mi mute li wile tawa ma tomo?" mi ken ala toki ike tawa ona tan ni: mi jo ala e mani.

"tenpo suno kama la, mi mute li wile tawa a! ni li pona ala pona tawa sina?"

"pona." kin la, tenpo lili kama la, mi jo e toki musi. "tenpo suno kama la, mi wile tawa poka sina."

"pona a! jan manitu o jan pona mi a! tenpo ni la, mi tawa. tenpo suno kama la, mi wile lukin e sina. kin la, mi mute li wile tawa!" ken la, tenpo suno kama la, mi ken sona e ijo sin ni. ona li lon. kin la, ali li pona.

"tawa pona!"

2 comments:

  1. jan Mako li toki e ni: ijo sin pi jan pona li seme? ona li kama jo e meli mute anu seme? sitelen sina kepeken toki pona li pona mute. ona li pona tawa mi.

    ReplyDelete
  2. mi pana e pona tawa sina tan toki sina!

    a a a! tenpo kama la mi sitelen e lipu sin!

    ReplyDelete